الحماس مش كفاية

طبق على أي حاجة في حياتك

الاعتماد على الحماس فقط لبناء مستقبل مهني هو أفضل وصفة… للاحتراق، والإحباط، ويمكن الفشل. مش لأن الحماس شيء سيء، لكن عشان مش كفاية لوحده

1. الحماس مؤقت… والنظام يدوم

الحماس زي مشروب الطاقة اللي بيديك جناحات وهمية: طاقة سريعة، بس بعد شوية تنهار. لو ما فيش نظام وعادات جيدة وتحديد أولويات، الحماس يطير، بل وهيتحول لتسويف وتلاقي نفسك واقف مكانك.

مثال: تبدأ كورس جديد بحماس، تذاكر أول يوم 5 ساعات، بعد أسبوع الكورس تلاقي نفسك أول ما تفتكر الكورس بطنك تقلب.

2. الحماس أعمى

لما تكون متحمس، عقلك بيكبر كل حاجة، زي الفرص، النجاح، النتائج. وفي نفس الوقت بيقلل من قدر التحديات والمهارات اللي ناقصاك، أو شكل وطبيعة .

الحماس بيقول: “هسيب الشغل وأبدأ بيزنس.”
العقل يقول: “طيب فين خطة العمل؟ المهارات؟ الفلوس؟ السيناريوهات البديلة؟”.

3. الحماس لا يساوي التخصص أو الاحتراف

فيه ناس متحمسة جدًا للمونتاج أو البرمجة مثلًا، بس لما تبدأ تشتغل بجد، يكتشفوا أن فيه مهارات تانية ناقصاهم، زي تنظيم الوقت والصبر والتواصل والتفكير الصحيح والشغل مع فريق والتفاوض والتسعير.

المحترف متحمس… لكن واعي وبيطول نفسه باستمرار.

4. الحماس لا يحميك من الملل

كل مهنة فيها لحظات روتين وملل وتاسكات متقلعهاش من رجليك. لو اعتمدت على الحماس بس، مش هتكمل. لكن لو عندك رؤية طويلة المدى، وانضباط والتزام، هتكمل وهتشتغل بغض النظر حاسس بإيه.

الحماس مهم وهو مستصغر الشرر… لكنه مش هو اللي بيحافظ على الشعلة
لكن لازم يكون فيه:

• خطة

• تعلم مستمر

• تطوير مهارات

• انضباط يومي

وإلا تبقى بنيت بيت من قش!

لو النشرة عجبتك… شيرها.

ولو وصلتك وأنت مش مشترك… يبقى اشترك.

Over and Out