تعمل إيه بعد الثانوي
الحلقة دي كان المفروض أسمها إزاي تستغل الأجازة ووقت الفراغ
بس قولت لنفسي الاسم ده ممكن يخليكوا تقولوا أن الكلام دهع مناسب للأجازة بس… وهو في الحقيقة مناسب لأي زمان ومكان ولأي شخص… مهما كان سنه أو ظروفه.
أيوه فيه حاجات هتكون صعبة على البعض… بس في الأخر أنا جايبلك كذا اقتراح هيساعدوك جدا.
كمان وبصراحة يعني وفي ظل كل اللي بيحصل والوضع المزري اللي كتير مننا بقى فيه… هتبقى قلة ذوق مني لما أطلع أقولك اتقدم وحارب وقاوم حاجات أنت مالكش أي سيطرة عليها.
لذلك الأفضل في الفترة الجاية أننا نركز على الكلام عن تظبيط الحاجات اللي في إيدك تغيرها أو تحسنها.
لأن مثلا حاجات زي الرياضة والصحة والأكل والثقافة والمهارات اللي ممكن تنفعك دلوقتي آو في المستقبل… كلها في إيدك وتقدر تغيرها. لكن سعر دولار ولا تضخم ولا حرب ولا شغل قليل ولا تضييق بأي شكل… من الحاجات اللي مالكش تحكم فيها.
فمينفعش أطلع أزعق وأقولك سافر وهاجر… ولا إعمل بزنس تكسب منه ألف دولار في اليوم.
لا فيه فلوس للسفر ولا الهجرة سهلة… والبزنس الحقيقي المستدام اللي بيجيب دخل كبير…. محتاج سنين شغل باجتهاد.
وأنا بحب الصراحة والواقعية حتى لو بتوجع شوية.
لا ليا في شغل الطاقة السلبية ولا الشاكرا ولا طاقة الكون مش ظابطة على موجتك… ولا عمري هقولك لو فكرت في ألف دولار هتلاقيها بتخبط عليك… ولا رش ملح في البيت ولا كل كلام هاري بوتر ده.
الحلقة على يوتيوب
❤️ دعم المحتوى✊ :
💲عن طريق باي بال:
https://www.paypal.com/paypalme/WELSHWT
🏫 الاشتراك في عضوية القناة:
https://www.youtube.com/channel/UCIL3YfRG2k7V9EDC3jzy-kg/join
