كتاب أول ٢٠ ساعة | بودكاست قهوة وكتاب

كلنا بلا استثناء عايزين أو محتاجين نتعلم حاجة جديدة

وكتاب النهاردة هدفه أنه يبسطلك موضوع المذاكرة ويوضحلك حاجات غايبة عنك لأسباب كتير.

وأولها طريقة المذاكرة والمدة اللي محتاجها عشان تتعلم حاجة.

الكتاب خفيف جدا، بس من الكتب المفيدة لأي حد بيذاكر أو بيتعلم مهارة وعايز يستمر والأهم يعرف إزاي يتعلم من غير تشتت ويبقى قادر يدير وقته ودماغه.

أهمية الكتاب جاية من أن التعلم النهاردة مبقاش حاجة كمالية، اللي هو تتعمل أو متتعملش..

 لكنها من أساسيات حياتنا، مهما كانت الظروف وبغض النظر عن السن أو المركز الاجتماعي أو المستوى التعليمي.

ما هو أنت عشان تلحق التطور اللي بيتحرك بسرعة الضوء من حواليك… لازم تبقى بتتعلم باستمرار… وإلا هتتأخر جدا، وبشكل مضر لحياتك ومستقبلك.

لذلك هو بيستهدف اللي عايز يتعلم بشكل أحسن ومش عايز يضيع وقت ومهتم بتطوير نفسه بطريقة أفضل… وركز على أفضل، لأنها مش لازم تكون الأسهل.

لأن، وزي ما كررت الموضوع كتير قوي على قناة وليد طه وخصوصا في سلسلة أحسن من امبارح

أن الموضوع مش ذكاء ولا موهبة بس.

لكن الطريقة اللي ماشي عليها والاستمرارية، هما اللي هيخلوك أفضل من كتير قوي محاولوش أو ماشيين غلط.

عن المؤلف

جوش كوفمان Josh Kaufman

مؤلف ل٣ كتب منهم كتاب النهاردة

وكتاب   The Personal MBA

 وكتاب تالت وهو How to fight a Hydra

ومؤلفاته بتركز على ريادة الأعمال والبزنس وإزاي تكتسب مهارات زي الإنتاجية والإبداع وغيرها من المهارات المهمة التانية.

وأيوه الإبداع مهارة ممكن تكتسبها… وفيه فيديو عملته من حوالي سنتين على قناة وليد طه عن إزاي تبقى مبدع.

---

❤️ دعم المحتوى ✊ : 💲

عن طريق باي بال: https://www.paypal.com/paypalme/WELSHWT

الاشتراك في عضوية قناة يوتيوب: https://www.youtube.com/channel/UCIL3YfRG2k7V9EDC3jzy-kg/join