كتاب علاج التسويف

كتاب The Procrastination Cure - علاج التسويف

كتاب النهاردة بعتبره دليل أو كتالوج عملي للتغلب على التسويف

لأنه بيقدم طرق هتساعدك على معالجة أسباب التسويف وفي نفس الوقت زيادة الإنتاجية من غير ما تيجي على نفسك أكتر من اللازم.

النهاردة هنتكلم عن كتاب The Procrastination Cure أو علاج التسويف ل Jeffery Combs

دي مش أول مرة أتكلم عن التسويف في حلقة آو حتى في بوست منشور

ولو متابع قناة وليد طه فأكيد شوفت الحلقات الخاصة بالتسويف أو سمعتني وأنا بتكلم عن الحلول من واقع تجربتي الشخصية.

بس خلينا النهاردة نتكلم عنه من وجهة نظر جيفري كومبس…. ونشوف إيه الحلول اللي ممكن يقدمهالنا وهل هي مناسبة لينا وواقعية ولا لأ.

يعني مثلا…. هل حل التسويف أنك تقلل استخدامك للتليفون بس؟ ولا أنا تشيل تطبيقات من على تليفونك؟ ولا أنك تقفل التلاجة بقفل رقم سري عشان تقدر تحافظ على الدايت؟ ولا يمكن تحط حدسد جنب السرير عشان أول ما تشوفه تلعبلك شوية باي وتراي؟

الحاجات دي ممكن تساعد جدا على فكرة باستثناء موضوع قفل التلاجة عشان اللي عايشين معاك هيجوعوا.

بس فيه حاجات أعمق وأقوى عايزين نوصلها عشان نحل مشكلة التسويف بشكل جذري.

لأن زي ما قولت كتير قبل كده… التسويف مش في طبيعتنا…. لكنه مرتبط بمجموعة من الأفعال والسلوكيات والخطوات اللي بتعملها من غير ما تحس… واللي بتؤدي في الآخر للتسويف.

والحاجات دي مع أنها عميقة ومتأصلة فيك وبتعملها بشكل تلقائي ومن غير ما تحس… لكن ممكن جدا تغيرها.

وحاجة سريعة قوي كده… ما تستقلش بالحاجات اللي بتعملها بتلقائية، لأنها ممكن تكون السبب في نجاحك وفي فشلك وزنت مش حاسس.

وده لأنها عادة بتعلمها بشكل يومي وجزء من مجموعة إجراءات مبتفكرش فيها.

لذلك الروتين الناجح وبناء العادة بشكل صحيح… بيستهدف التلقائية في الأفعال.

المهم…

الكتاب هدفه من رأي تعريفك بالتسويف بشكل عميق… لأن التعرف على المشكلة وفهمها أول خطوات العلاج.

---

❤️ دعم القناة ✊:

💲عن طريق باي بال: https://www.paypal.com/paypalme/WELSHWT

🏫 الاشتراك في عضوية القناة: https://www.youtube.com/channel/UCIL3YfRG2k7V9EDC3jzy-kg/join

---